എന്റെ മലയാളം

മമ്മൂട്ടി : “യെവൻ വെറും പി.എൽ അല്ല .. യെവനാണ് പി.എം..“
മമ്മൂട്ടി: “യെഴുതി വാങ്ങീരെഡേയ് യെവറ്റ്നെ അനാലിസിസും ഡിസൈനും എല്ലാം..തള്ളേ പ്രോജക്ടുകൾ തീരണീല്ലല്ല് “
മമ്മൂട്ടി : “ബാംഗളൂരി രാജയല്ലെഡേയ് പ്രോജ്ക്ടൂരി രാ‍ജാ.. നിന്റെയൊക്കെ പ്രോജക്ടുകൾ ഊരാൻ വന്ന രാജാ“
മമ്മൂട്ടി : “മാമാ ഞാൻ പ്രോജക്ടുകൾ കണ്ടിട്ടില്ല കെട്ടാ .. പക്ഷേ
യെവനങ്ങനെയല്ല .. നല്ല വെടിപ്പിന് ഡിസൈനക്കെ ഉണ്ടാക്കും .. ആൺസൈറ്റ് ആണ്..“
റഹ്മാൻ : “ആൺസൈറ്റ് അല്ല, ഓൻസൈറ്റ് “
മമ്മൂട്ടി : “എന്തായാലെന്തെരെഡേയ് ഉണ്ടാക്കുന്നത് ഡിസൈൻ തന്നെയല്ലേ..“
മമ്മൂട്ടി : “(പോത്തിനോട്) : എന്തരെഡേയ് പ്രോഗ്രാമർ കിളി ഒരു വാട്ടം..ആ പി.എല്ലിന്റെ പുറകെ നടന്ന് പ്രോജക്ട് പിടിപ്പിച്ചാ വീണ്ടും..“
മമ്മൂട്ടി : “ഈ കാര്യത്തില് യെവനും പി.എം ആണ് കെട്ടാ.. “
മമ്മൂട്ടി: “ ലാരു പ്രോഗ്രാമറും രെണ്ടു പി.എല്ലും കൊണ്ട് ഈ ബാംഗ്ലൂരിൽ പണികൾ തുടങ്ങിയതാണ്.. “ ആ എന്റെ ആണാഡേയ് നീ പ്രോജക്ട് മാറ്റാൻ പ്വാണത..”
മമ്മൂട്ടി: “ ആൺസെറ്റുകളും ആഫ്ഷോറുകളും കൂടെ ജായിന്റ് ആയ സ്തിതിക്ക് ക്യാറി ഒരു ടെലിക്വാൺഫും നടത്തി ഡെസൈൻ പ്രപ്പാസലും കൂടി വങ്ങിച്ചിട്ടൊക്കെ പോകഡേയ്..
മനോജ്.കെ.ജയൻ : എന്താണെഡേയ് നാരായണമൂർത്തിക്ക് അസിം പ്രേജിയിലുണ്ടായ ഒരു അപ്പിയറൻസ്??
മമ്മൂട്ടി: “ മച്ചു മൊഡ വിട്.. പ്രോജക്ട് കേടാകും.. ഇത് നമ്മള് തമ്മിലുള്ള വീഡിയോക്വാൺഫാണ്.. ഇനീ വരേണ്ടിവന്നാൽ ഇന്ന്നെ വട്ടാകി ക്യടത്താൻ ഒരു കോടി റെക്കൈർമെന്റും കോണ്ടേ ഞാൻ വരൂ.. കേട്ടാ ..“ “വക്കച്ചാ, യെവൻ പി.എൽ ആണ് കേട്ടാ.. നമുക്കിനീം വരേണ്ടി വരും !! “
മനോജ്.കെ.ജയൻ : “നീ ഒരു ഓൺസൈറ്റ് ഉള്ള ചെറ്റയാണെന്ന് എനിക്ക് പ്ണ്ടേ അറിയാമാരുന്നു ..പിന്നെ അന്ന് ഞാനുമൊരു ഓൺസൈറ്റ് ആയിരുന്നതുകോണ്ട് അതങ്ങ് അഡ്ജസ്റ്റ് ചെയ്തു…
മമ്മൂട്ടി: “ വ്വോ .. നമ്മള് വെറും ടീ മെംബറ് .. പക്ഷേ മൊട കണ്ടാ എടപെടും, പി.എമ്മേയ്..“
“തള്ളേ .. പ്രോജക്ടുകൾ തീരണില്ലല്ലഡേയ്..“
————————————————————————————–
Taken from a forwarded e-mail.

1:
2:
3:
അങ്ങനെ പ്രതീക്ഷയോടെ പുതുവർഷം വന്നെത്തി. ഒരുപക്ഷേ എന്റെ ഭാവിനിർണായകമായ തീരുമാനങ്ങൾ എടുക്കേണ്ട ഒരു വർഷം. എല്ലാവർക്കും സന്തോഷകരമായ പുതുവത്സരം ആശംസിക്കുന്നു. കുറച്ചുനാളുകൾ ആയി മറ്റുള്ള ബ്ലോഗുകൾ വായിച്ചിട്ട്. സമയമില്ലാഞ്ഞിട്ടല്ല നെറ്റ് കണക്ഷൻ ഭയങ്കര സ്ലോയാ. മിക്കപ്പോഴും “This page cannot be displayed” ആ‍ണ് ലഭിക്കുന്നത്. ഇവിടേയും BSNL Broadband ഉടൻ എത്തിയിരുന്നെങ്കിൽ.അതെ, ഇങ്ങനെ ധാരാളം ആഗ്രഹങ്ങൾ ഈ വർഷം സാധിക്കാനുണ്ട്.
അവധി കഴിഞ്ഞ് ബന്ധുക്കൾ എല്ലാരും പോയി. ആളൊഴിഞ്ഞ ഉത്സവപ്പറമ്പുപോലെയായി ഇവിടം. ഒരാഴ്ച ശരിക്കും അടിച്ചുപോളിച്ചു. ഇനിയും എന്നാണോ എല്ലാർക്കും കൂടി ഇങ്ങനെയോന്ന് ഒത്തുകൂടാൻ കഴിയുക. എല്ലാരും പല സ്ഥലങ്ങളിൽ ജോലിയും വിദ്യാഭ്യാസവുമായി കഴിയുന്നു. എല്ലാർക്കും ഒരുമിച്ച് അവധി കിട്ടുക എന്നത് അത്ര എളുപ്പമല്ല. ഇപ്രാവിശ്യം ഡൽഹിയിൽനിന്ന് ദീപച്ചേച്ചിക്കും ആസ്ട്രേലിയയിൽനിന്ന് മധുക്കൊച്ചാട്ടനും വരാൻ സാധിച്ചില്ല.
കുറെ സിനിമകൾ കണ്ടു. മലയാളയും,തമിഴും,ഹിന്ദിയും ഇഗ്ലീഷും. ചില മലയാളം സിനിമകൾ കണ്ട് കരഞ്ഞുപോയി, വെറുതെ സമയവും കാശും കളഞ്ഞല്ലോ എന്നോർത്ത്. ബാക്കിയൊന്നും കുഴപ്പമില്ലാരുന്നു.
ഞങ്ങളുടെ പരീക്ഷ കഴിഞ്ഞില്ല. അതിനാൽ ക്ലാസ് 24നേ തുടങ്ങുകയുള്ളൂ. എനിക്കിനി 18നാണ് അടുത്ത പരീക്ഷ(മാറ്റിവച്ചത്). കുറേപ്പേർക്ക് നാളെമുതൽ പരീക്ഷ തുടങ്ങും. ഇത്രയും ദിവസത്തിൽ ചെയ്തു തീർക്കാൻ ഒത്തിരി പണികൾ ഉണ്ട്. ചില കൂട്ടുകാർക്ക് വിൻഡോസ് റീ-ഇൻസ്റ്റാൽ ചെയ്ത് കോടുക്കണം, ചിലർക്ക് ലിനക്സും.
വിൻഡോസ് എക്സ് പി യുടെ എല്ലാ വേർഷനും ഇട്ടുനോക്കി. XP Home, XP Profesional, XP Media Center & XP 64 Bit for AMD 64. അതിൽ XP 64 Bit for AMD 64 മാത്രം മാറ്റി Home ഇട്ടു, കാരണം കൂട്ടുകാരന് അതിന്റെ ക്ലാസിക്ക് ലുക്ക് ഇഷ്ടമായില്ല. ബാക്കിയെല്ലാം കൊള്ളാം. എന്റെ കൂട്ടുകാരൻ വിവേകിന് ലിനക്സ് ഇട്ടുകോടുക്കണം. ഏതിടണമെന്ന് തീരുമാനിച്ചില്ല. RH9, FC 2 or 3 or 4 or Ubuntu. മിക്കവാറും Ubuntu ആയിരിക്കും ഇടുന്നത്.
ഈ സെമ്മിൽ ഒരു മിനി പ്രൊജെക്റ്റ് ഉണ്ട്. എന്തുവേണമെന്ന് ഉറപ്പിച്ചില്ല. Application Software ആയിരിക്കും.അതിനുവേണ്ടി ഗൂഗിൾ ചെയ്യാമെന്നു വിചരിച്ചപ്പോൾ നെറ്റ് കിട്ടുന്നുമില്ല. January 30th ന് Abstract submit ചെയ്യണം. എന്തെങ്കിലും Idea ഉണ്ടെങ്കിൽ പറയണേ.
കണക്ഷൻ കട്ടാവുന്നതിനുമുൻപേ പബ്ലിഷ് ചെയ്തേക്കാം.
(upload ചെയ്യാനുള്ള താമസം കാരണം ഫോട്ടോകളുടെ size കുറക്കുന്നു)
1. പമ്പയാറ്റിൽ കസിന്റെ കുട്ടികളെ നീന്തൽ പ0ഇപ്പിക്കുന്നു.
2. ചക്കുളത്തുകാവിൽ ഉത്സവത്തിനുപോയപ്പോൾ
3. കളമെഴുത്തും പാട്ടും

ഈയെടെയായി ഇവിടെ നെറ്റ് ഭയങ്കര സ്ലോയാ.ഇന്നലെ ഞാൻ എന്റെ ബ്ലോഗുകളിൽ ക്രിസ്ത്മസ് ആശംസകൾ പോസ്റ്റ് ചെയ്യാൻ ഒരു മണിക്കൂർ ശ്രമിച്ചു. മെസെഞ്ജർ അല്ലാതെ വേറെ ഒന്നും കിട്ടിയില്ല, മെയിൽ പോലും. BSNLന്റെ Broadbandഎടുക്കണമെന്ന് ആഗ്രഹമുണ്ട്. പക്ഷേ ഇവിടെ അത് ലഭിക്കാൻ കുറെ നാൾ എടുക്കും. അതുവരെ Dialup തന്നെ ശരണം.
എന്തായാലും

Techno First എന്ന മാസികയുടെ ഈ മാസത്തെ Code Guru Of The Monthആയി എന്നെ തിരഞ്ഞെടുത്തു. December ലക്കം മാസികയിൽ സി ചലഞ്ജ്(C- Challenge) എന്ന partil നോക്കുക. പേജ് നമ്പർ നോക്കാൻ മറന്നുപോയി. ഇന്ന് പരീക്ഷ കഴിഞ്ഞ് വായിക്കനെടുത്തപ്പോഴാണ് ഞാൻ തിരഞ്ഞെടുക്കപ്പെട്ട വിവരം അറിഞ്ഞത്.

കിട്ടിയാൽ എന്തുചെയ്യും എന്നല്ലേ? MG Universityil കൊണ്ടുവച്ച് അത് പൊട്ടിക്കും. ഒന്നും ആലോചിക്കതെയുള്ള പരീക്ഷാ ക്രമീകരണവും പേപ്പർ വാലുവേഷനും അങ്ങനെ സർവകലാശാലവുമായി ബന്ധപ്പെട്ട എല്ലാ കാര്യങ്ങളും കാരണം ഞങ്ങൾ സഹികെട്ടു. വിദ്യാർഥികളെ എങ്ങനെ ഉപദ്രവിക്കാം എന്നാണവർ ആലോചിക്കുന്നത്. ഇന്ന് 5th sem ലെ ഒരു പേപ്പറും കഴിഞ്ഞ സെമ്മിലെ(4th sem) ഒരു ഇമ്പ്രൂവെമെന്റ് പേപ്പറും ഉണ്ട് എന്നാണ് അറിയിച്ചിരുന്നത്. ഇന്നലെ പത്രത്തിൽ അറിയിപ്പുവന്നു 4th semile പരീക്ഷ ജനുവരിയിലേക്ക് മാറ്റിയെന്ന്. പക്ഷേ പൊങ്കാല ആയതിനാൽ എനിക്ക് പത്രം രാവിലെ കിട്ടിയില്ല. അതിന്നാൽ ഞാൻ ആ കാര്യം അറിഞ്ഞില്ല. വൈകുന്നേരമാണ് ഞാൻ ആ വാർത്ത അറിഞ്ഞത്. അത്രയും നേരം ഞാൻ ജനുവരിയിലേക്ക് മാറ്റിവച്ച വിഷയം നോക്കുവാരുന്നു. അതിന്നാൽ ഇന്നത്തെ വിഷയം നോക്കാൻ ഒരു രാത്രി മാത്രമേ കിട്ടിയുള്ളൂ. എങ്കിലും പരീക്ഷ എളുപ്പമാരുന്നു.
29ന് തുടങ്ങിയ കേരളാ സർവകലാശാലയുടെ 5th sem exams കഴിഞ്ഞു എന്നാണ് എന്റെ ഒരു കൂട്ടുകാരൻ പറഞ്ഞത്. 29ന്റ് തുടങ്ങിയ എം.ജി സർവകലാശാലയുടെ പരീക്ഷ ജനുവരി അവസാനമെങ്കിലും തീരുമെന്ന് വിചാരിക്കുന്നു, അതിനായി പ്രാർത്ഥിക്കുന്നു. എന്തായാലും3 വിഷയം കഴിഞ്ഞു. അതിൽ ഒരെണ്ണം അല്പം പ്രയാസമാരുന്നു. മാറ്റിവച്ച പരീക്ഷയെല്ലാം ജനുവരിയിൽ നടത്തും.ഈ മാസം 2 പരീക്ഷയുംകൂടിയുണ്ട്.

സ്ത്രീകളുടെ ശബരിമല എന്നറിയപ്പെടുന്ന ചക്കുളത്തുകാവിൽ പൊങ്കാല തുടങ്ങി. ഏകദേശം 50കിലോമീറ്റർ റോഡിൽ ആൾക്കാ പൊങ്കാലയിടുന്നു.9.30 ന് സിനിമാ നടൻ ജയറാമാണ് പൊങ്കാലയടുപ്പിന് തിരികോളുത്തിയത്. മെയിൻ റോഡുകളിൽ മാത്രമല്ല അതിനോടുചേർന്നുള്ള സബ് റോഡുകളീലും വീട്ടുമുറ്റത്തും ആൾക്കാർ പൊങ്കാലയർപ്പിക്കുന്നു. ഞങ്ങളുടെ മുറ്റത്തുള്ള പൊങ്കാലയുടെ ഫോട്ടോ ഞാൻ അപ് ലോഡുചെയ്തിട്ടുണ്ട്(web cam ആയതിനാൽ clear alla).ഏഷ്യാനെറ്റ് ഗ്ലോബലും എസിവിയും(Asianet Global and ACV) പൊങ്കാല ലൈവായി കാണിക്കുന്നുണ്ട്.ഇപ്പോ ഞാൻ ലൈവായി ബ്ലോഗ് ചെയ്യുന്നു. അല്പസമയം കഴിയുമ്പോൾ തിരുമേനിമാർ വന്ന് എല്ലാരുടേയും പൊങ്കാല നേദിക്കും.
കുടുതൽ വിവരങ്ങൾക്ക് : http://www.mathrubhumi.com/php/newsFrm.php?news_id=1239142&n_type=NE&category_id=3&Farc=

ആരൊക്കെ എന്തൊക്കെപ്പറഞ്ഞാലും MG Universityക്ക് പരീക്ഷ മാറ്റിവയ്ക്കാതിരിക്കൻ പറ്റില്ല. ഇപ്രാവിശ്യവും ചില പരീക്ഷകൾ മാറ്റി. അവർക്ക് കുറഞ്ഞത് 2പ്രാവിശ്യമെങ്കിലും പരീക്ഷാതീയതി മാറ്റണം. നവംബർ 22ആം തീയതി തുടങ്ങും എന്നറിയിച്ച പരീക്ഷ തുടങ്ങിയത് ഡിസംബർ 6ന്. നാളത്തേയും മറ്റന്നാളത്തേയും പരീക്ഷ ജാനുവരി 17& 18 ലേക്ക് മാറ്റി. ചിലപ്പോൾ തലേദിവസമാരിക്കും അറിയിപ്പുവരുന്നത്. ഭാഗ്യം കൊണ്ട് ഇത്തവണ2ദിവസം മുമ്പേങ്കിലും അവർ അറിയിച്ചു. എന്തായാലും അവർക്കെന്താ? കുട്ടികൾ വേണമെങ്കിൽ വന്ന് പരീക്ഷ എഴുതണം.

അങ്ങനെ എന്റെ പരീക്ഷ ആയി. ഡിസംബർ 1 മുതൽ 22 വരെ. പതിവുപോലെ ചില പരീക്ഷകൾ മാറ്റിവയ്ക്കാൻ സാധ്യതയുണ്ട്. 22നു തുടങ്ങും എന്നാരുന്നു ആദ്യം പറഞ്ഞത്. പിന്നീടത് 1ആയി. എന്നായാലും എഴുതാതെ വേറെ മാർഗ്ഗമൊന്നുമില്ലല്ലോ. അപ്പോ ശരി. സമയമില്ല. പോട്ടേ. പിന്നെ കാണാം.

ക്രിഷ്ണൻ: അർജ്ജുനാ, നീ നിന്റെ മുതിർന്നവരുടെ ഇ-മെയിലിനെ ബഹുമാനിക്കണം.
അർജ്ജുനൻ: പക്ഷേ വാസുദേവാ, ബഹുമാന്യരായ അവർക്ക് ഞാൻ എങ്ങനെ ജങ്ക് മെയിലുകൾ അയക്കും? അവർ ബഹുമാനപ്പെട്ട ഡൊമെയിനുകളിൽ ലോഗിൻ ചെയ്യ്തിരിക്കുവല്ലേ?
ക്രിഷ്ണൻ: പാർഥാ, ഈ നിമിഷം ആരും നിന്റെ കൂട്ടുകാരോ ബന്ധുക്കളോ അല്ല. അവർ വെറും മെയിൽ യൂസേർസ്. നീ നിന്റെ നെറ്റ്-ധർമ്മം പാലിക്കുക. ലോഗിൻ ചെയ്യുക,ധാരാളം ജങ്ക് മെയിലുകൾ അയക്കുക. ഇതാണ് നിന്റെ കർമ്മം അതുമാത്രമാണ് നിന്റെ ധർമ്മവും.
അർജ്ജുനൻ: ഹേ മുരാരീ! ഇതെല്ലാം കാണുമ്പോൽ എനിക്ക് ഈ സോഫ്റ്റ്വേർ ഫീൽഡിൽനിന്നും പിരിയാൻ തോന്നുന്നു.
ക്രിഷ്ണൻ: ബന്ധു, നീ ഇപ്പോൾ ഏതോ മായാവലയത്തിലാണ്. ഈ യുഗത്തിൽ നിന്നോട് ആരും കടപ്പെട്ടിട്ടില്ല, നീയും ആരോടും കടപ്പെട്ടിട്ടില്ല. ജങ്ക് മെയിലുകൾ നീ ജനിക്കുന്നതിനു മുമ്പേ ഉണ്ടായിരുന്നു അത് ഈ-മേയിൽ ഉള്ളടത്തോളം കാലം തുടരുകയും ചെയ്യും. നീ നിന്റെ മായയിൽ നിന്ന് ഉണരുക നിന്റെ ജോലി ചെയ്യുക-ജങ്ക് മെയിലുകൾ അയച്ചുകോണ്ടേയിരിക്കുക.
അർജ്ജുനൻ: പക്ഷേ ദേവകീ നന്ദൻ……!
ക്രിഷ്ണൻ: ….വിജയവും തോൽവിയും നിന്റെ കൈകളിലല്ല. അതിനാൽ അതോർത്ത് നീ വിഷമിക്കേണ്ട. ഗുരു ദ്രോണാചാര്യർ പ0ഉപ്പിച്ച നിന്റെ ജങ്ക്-ശാസ്ത്രത്തിലുള്ള അറിവ് പാഴാക്കരുത്.
അർജ്ജുനൻ: ഹേ കേശവ്, എങ്ങനെയാണ് ജങ്ക് മെയിൽ സിസ്റ്റവുമായി ബന്ധപ്പെട്ടിരിക്കുന്നത്?
ക്രിഷ്ണൻ: ജങ്ക് മെയിൽ വെറും ജങ്ക് മെയിൽ ആണ്. അതിന് ഹാർഡ് വെയറുമായി യാതൊരു ബന്ധവുമില്ല. പക്ഷേ അത് സിസ്റ്റത്തെ ഓവർലോഡ് ആക്കും, ഹാർഡ് ഡിസ്ക് ജങ്ക് മെയിലുകൾ കോണ്ട് നിറയും… പക്ഷേ നീ അതോർത്ത് വിഷമിക്കേണ്ട.
കേൾക്കൂ കുന്തീപുത്രാ, എങ്ങനെയാണോ ആത്മാവ് ഒഅരു ശരീരത്തിൽ നിന്നും മറ്റോന്നിലേക്ക് പ്രവേശിക്കുന്നത് അതുപോലെയാണ് ജങ്ക് മെയിലും ഒരു സിസ്റ്റത്തിൽനിന്ന് മറ്റൊരു സിസ്റ്റത്തിലേക്ക് പോകുന്നത്.
അർജ്ജുനൻ: എങ്ങനെയാണ് ഒരാൾക്ക് ജങ്ക് മെയിലിനെ നിർവചിക്കാൻ സാധിക്കുന്നത്?
ക്രിഷ്ണൻ: ഒരു തീയിക്കും അതിനെ ദഹിപ്പിക്കാൻ പറ്റില്ല….ഒരു കാറ്റിനും അതിനെ ഡ്രൈ ആക്കാൻ പറ്റില്ല, ഒരിക്കലും അതിനെ പിടിച്ചടക്കാനോ തോൽ‌പ്പിക്കാനോ സാധ്യമല്ല. ജങ്ക് മെയിലിന് മരണമില്ല.അത് ഒരു സിസ്റ്റത്തിൽനിന്നും മറ്റൊരു സിസ്റ്റത്തിലേക്ക് പൊയ്ക്കോണ്ടേയിരിക്കും.
അർജ്ജുനൻ: ഹേ നാരായണാ! ഇപ്പോൾ ജങ്ക് മെയിലിനെപ്പറ്റിയുള്ള എന്റെ എല്ലാ സംശയയും തീർന്നു. അങ്ങ് എന്റെ കണ്ണുതുറന്നു. അല്ലാരുന്നെങ്കിൽ മായയിൽ‌പ്പെട്ട് എല്ലാ ജങ്ക് മെയിലുകളും ഞാൻ തന്നെ വായിച്ചേനേ.
————————————മഹാഭാരതം—————————————————–
വർഷങ്ങൾ കഴിഞ്ഞു,ധാരാളം യുഗങ്ങൾ വരികയും പോവുകയും ചെയ്തു,കാലങ്ങൾ മാറി,ടെക്നോളജി വികസിച്ചു, പക്ഷെ ജങ്ക് മെയിലുകൾ ഇപ്പോഴും നിൽക്കുന്നു. അതിനാൽ പോകൂ ജങ്ക് മെയിലുകൽ അയച്ച് ചരിത്രത്തിലേക്ക് എന്തെങ്കിലും സമർപ്പിക്കൂ. എല്ലാ ഇൻബോക്സുകളിലും ഈ പോസ്റ്റിലേക്കുള്ള ലിങ്ക് എത്തട്ടേ.