Mar 04
Digg
Stumbleupon
Technorati
Delicious

ബൂലോകവാസികളേ.. എല്ലാര്‍ക്കും സുഖം തന്നെയല്ലേ!!!!! 9ആം തീയതി കഴിയേണ്ട ഞ ഞങ്ങളുടെ പരീക്ഷ കഴിഞ്ഞത് 26ന്. നാളെ മുതല്‍ തിരുവനന്തപുരത്താണ്. പ്രോജക്ട് തുടങ്ങുന്നു.April 14 വരെ അവിടാണ്. ഞായറാഴ്ച മാത്രം വീട്ടിലെത്തും. അതുകൊണ്ട് അന്നു വരെ വീണ്ടും ബൂലോകത്തില്‍ നിന്നും അകന്നു നില്‍ക്കേണ്ടിവരും. അവിടെ വല്ലപ്പോഴും എഴുത്തു ചെക്ക് ചെയ്താലായി. പിന്നെ പായ്ക്കിഗ് ഒന്നും ആയില്ല. അവിടെ വീട്ടില്‍ സിസ്റ്റം എല്ലാം ശരിയാക്കണം. അതിനായി ഒരു ഹാര്‍ഡ് ഡിസ്ക് ക്ലീന്‍ ചെയ്യുന്നു. പ്രോജക്റ്റ് എന്തുവേണം എന്നു തീരുമാനം ആയിട്ടില്ല. ഇപ്പോ ASP .NET പഠിക്കുന്നു. ഒരു Web Application ആണ് ചെയ്യാന്‍ ഉദ്ദേശിക്കുന്നത്. ഒരു ചെറിയ പ്ലാന്‍ ഉണ്ട്. അതിന്റെ Requirement Analysis il ആണ് ഇപ്പോള്‍. എല്ലാം പറഞ്ഞപോലെ. സമയം കിട്ടും‌മ്പോള്‍ ബ്ലോഗാം. അതുവരെ 🙁 miss u all


Author: അരുണ്‍ വിഷ്ണു
Jan 25
Digg
Stumbleupon
Technorati
Delicious

HAPPY REPUBLIC DAY

Author: അരുണ്‍ വിഷ്ണു
Jan 22
Digg
Stumbleupon
Technorati
Delicious

പഞ്ചതന്ത്രം – 2007

ഒരിക്കല്‍ ഒരിടത്തൊരു സോഫ്റ്റ്വേര്‍ എന്‍‌ജിനീയര്‍ ഉണ്ടായിരുന്നു. അവന്‍ അവന്റെ പെന്റിയം 2 ലാപ്പ്‌ടോപ്പിലാരുന്നു പ്രോഗ്രാം ചെയ്തിരുന്നത്. ഒരിക്കല്‍ അവന്‍ ഒരു നദിയുടെ കരയിലിരുന്ന് കോഡിങ്ങ് ചെയ്യുവാരുന്നു. പെട്ടെന്ന് മടിയില്‍നിന്നും ആ ലാപ്‌ടോപ്പ് വെള്ളത്തിലേക്ക് വീണു. പഴയ പഞ്ചതന്ത്രം കഥ മനസില്‍ ഓര്‍ത്ത് അവന്‍ ദേവതയെ തപസു ചെയ്യാന്‍ തുടങ്ങി. അവസാനം ദേവത പ്രത്യക്ഷപ്പെട്ടു.

അവന്‍ ഉണ്ടായ സംഭവങ്ങള്‍ മുഴുവന്‍ പറഞ്ഞു. സങ്കടം തൊന്നിയ ദേവത അവനെ സഹായിക്കാന്‍ തീരുമാനിച്ചു. പക്ഷേ പഴയതുപോലെ തന്നെ തിനു മുന്‍പ് ഇവന്റെ സത്യസന്ധത ഒന്നു പരീക്ഷിക്കാന്‍ തീരുമാനിച്ചു.
ദേവത അപ്രത്യക്ഷമായി. കുറച്ചു കഴിഞ്ഞപ്പോള്‍ ഒരു തീപ്പെട്ടിയേടത്രേം ചെറിയ ഒരു സാധനവുമായി വന്നു. എന്നിട്ട് അവനോടു ചോദിച്ചു “ ഇതാണോ നിന്റെ ലാപ്പ്‌ടോപ്പ്”. അവന്‍ പറഞ്ഞു “ അല്ല “.
ദേവത വീണ്ടും അപ്രത്യക്ഷമായി. കുറച്ചു കഴിഞ്ഞപ്പോള്‍ ഒരു കാല്‍കുലേട്ടര്‍ പോലുള്ള ചെറിയ ഒരു സാധനവുമായി വന്നു. എന്നിട്ട് അവനോടു ചോദിച്ചു “ ഇതാണോ നിന്റെ ലാപ്പ്‌ടോപ്പ്”. അവന്‍ പറഞ്ഞു “ ഇതും അല്ല “. ദേവത ഇത്തവണ പോയി വന്നപ്പോള്‍ കൈയില്‍ അവന്റെ ലാപ്‌ടോപ്പ് ഉണ്ടായിരുന്നു. “ ഇതാണോ നിന്റെ ലാപ്പ്‌ടോപ്പ്” ദേവത ചോദിച്ചു. അവന്‍ പറഞ്ഞു “ അതെ “.

ദേവത അവന്റെ സത്യസന്ധതയില്‍ സമ്പ്രീതയായി അവനെ ആ 3 സാധനങ്ങളും കൊടുക്കുവാന്‍ തുടങ്ങി. അവന് വലിയ സന്തോഷം ഒന്നും തോന്നിയില്ല. പഴയ ലാപ്പ്‌ടോപ്പ് തന്നെയല്ലേ.. നെരത്തത്തെ കഥയിലെ പോലെ നല്ല സാധനങ്ങള്‍ ഒന്നും ഇല്ലല്ലോ… അതു കൊണ്ട് അതു വാങ്ങുന്നതിനു മുന്‍പ് അവന്‍ ദേവതയോട് ചോദിച്ചു “ എന്റെ പഴയ ലാപ്പ്‌ടോപ്പ് കാണിക്കുന്നതിനു മുന്‍പ് എന്തുകൊണ്ട് നല്ല പുതിയ ലാപ്പ്‌ടോപ്പ് ഒന്നും കാണിച്ചില്ല?”

ഇതു കേട്ട ദേവത : “ മരക്കഴുതേ നിന്നെ ആദ്യം കാണിച്ച സാധനം 3000ആം ആണ്ടില്‍ കിട്ടാന്‍ പോകുന്ന കമ്പ്യൂട്ടര്‍ ആയിരുന്നു. രണ്ടാമതു കാണിച്ചതാവട്ടെ 500 വര്‍ഷങ്ങള്‍ക്ക് ശേഷം ഇവിടെ കിട്ടാന്‍ പോകുന്ന കമ്പ്യൂട്ടര്‍ ആയിരുന്നു“ . ഇതും പറഞ്ഞ് ദേവത 3കമ്പ്യൂട്ടറുകളും കൊണ്ട് അപ്രത്യക്ഷയായി.

ഇതില്‍ നിന്നും കിട്ടിയ ഗുണപാഠം എന്ത്? അതു നിങ്ങള്‍ക്ക് എഴുതാം.. പിന്മൊഴിയിലൂടെ..


Author: അരുണ്‍ വിഷ്ണു
Jan 13
Digg
Stumbleupon
Technorati
Delicious

പരീക്ഷ

പരീക്ഷ 🙁
Jan 17 – Feb 9(മാറ്റമൊന്നും ഇല്ലെങ്കില്‍)

Author: അരുണ്‍ വിഷ്ണു
Dec 31
Digg
Stumbleupon
Technorati
Delicious

എല്ലാവര്‍ക്കും എന്റെ പുതുവര്‍ഷാശംസകള്‍

എല്ലാവര്‍ക്കും എന്റെ പുതുവര്‍ഷാശംസകള്‍

സ്നേഹപൂര്‍വ്വം
കണ്ണന്‍

Author: അരുണ്‍ വിഷ്ണു
Dec 22
Digg
Stumbleupon
Technorati
Delicious

ക്രിസ്തൂമസ്സ് ആശംസകള്‍

എല്ലാവര്‍ക്കും എന്റെ ക്രിസ്തൂമസ്സ് ആശംസകള്‍

ഇവിടെ ഞെക്കൂ


Author: അരുണ്‍ വിഷ്ണു
Dec 04
Digg
Stumbleupon
Technorati
Delicious

ചക്കുളത്തുകാവില്‍ പൊങ്കാല

സ്ത്രീകളുടെ ശബരിമല എന്നറിയപ്പെടുന്ന ചക്കുളത്തുകാവിൽ പൊങ്കാല തുടങ്ങി. ഇന്ന് ഇപ്പോള്‍ ഇവിടെ പൊങ്കാല നടന്നുകൊണ്ടിരിക്കുകയാണ്. ഏകദേശം 50കിലോമീറ്റർ റോഡിൽ ആൾക്കാ പൊങ്കാലയിടുന്നു. മെയിൻ റോഡുകളിൽ മാത്രമല്ല അതിനോടുചേർന്നുള്ള സബ് റോഡുകളീലും വീട്ടുമുറ്റത്തും ആൾക്കാർ പൊങ്കാലയർപ്പിക്കുന്നു. ഞങ്ങളുടെ വീട്ടുമുറ്റത്തും തറവാട്ടുമുറ്റത്തുള്ള പൊങ്കാലയുടെ ഫോട്ടോ ഞാൻ അപ് ലോഡുചെയ്തിട്ടുണ്ട്. റോഡിലോട്ടൊന്നും പോകാന്‍ വയ്യ. എങ്ങോട്ടുതിരിഞ്ഞാലും പൊങ്കാല അടുപ്പാണ്. ടി വി ചാനലുകള്‍ (Amarita) ഇത് ലൈവായി കാണിക്കുന്നുണ്ട് .ഇപ്പോ ഞാൻ ലൈവായി ബ്ലോഗ് ചെയ്യുന്നു.

കൂടുതല്‍ വിവരങ്ങള്‍ മനോരമ വാര്‍ത്തകളില്‍.

Author: അരുണ്‍ വിഷ്ണു
Nov 26
Digg
Stumbleupon
Technorati
Delicious

മാമ്പഴക്കാലം

കൊളേജില്‍ നിന്നും എത്തിയ ഞാന്‍ അന്തിച്ചുപോയി. ഇന്നു രാവിലെവരെ യാതൊരു കുഴപവുമില്ലാതെ പടിപ്പുരക്കു മുന്നില്‍ നിന്നിരുന്ന അവന്‍-ആ നാട്ടുമാവ്. അവനതാ നിലം പതിച്ചിരിക്കുന്നു. അല്ല, അവനെ ആരോ കഷണം കഷ്ണമായി അറുത്തിരിക്കുന്നു. എന്തു നല്ല മാങ്ങയായിരുന്നു. പഴുത്താല്‍ പൂളിത്തിന്നാന്‍ നല്ല രസമായിരുന്നു. വലിയ മാങ്ങ, തൊലിക്കുപോലും നല്ല മധുരമായിരുന്നു. എന്തു പറയാനാ, കഴിഞ്ഞില്ലേ. മാങ്ങ വീണ് പടിപ്പുരയുടെ ഓടെല്ലാം പൊട്ടുന്നു, അതു മാറാന്‍ പ്രയാസമാണത്രെ, ഓട് കിട്ടാനും. ഹ്മ്.. എന്താ ചെയ്കാ..

അകത്തു കയറിപ്പോള്‍ അവിടെയതാ പ്രിയപ്പെട്ട മൂവാണ്ടന്‍ മാങ്ങ. ഇപ്പോള്‍ എവിടുന്നാണാവോ.. വാങ്ങിയതാവും. എന്റെ മനസില്‍ ആ പഴയ മാമ്പ്ഴക്കാലം..

3-4 വര്‍ഷം മുന്‍പുവരെ അങ്ങനെയായിരുന്നു. വല്യ അവധിക്ക് കസിന്‍സ് എല്ലാം എത്തും. നമ്മള്‍ ഗവണ്മെറ്റ് സ്കൂളില്‍ പഠിക്കുന്നതിനാലും ട്യ്യൂഷന്‍ തുടങ്ങിയ പൊല്ലാപ്പുകള്‍ ഇല്ലാത്തതിനാലും പരമ സുഖമായിരുന്നു. പരീക്ഷ കഴിഞ്ഞാല്‍ പിന്നെ അവധിക്ക് നാട്ടിലെത്തുന്ന ബന്ധുക്കളെ നോക്കിയുള്ള ഇരുപ്പാണ്, അടിച്ചുപൊളിക്കാന്‍. കളിയും കുളിയുമായി ദിവസങ്ങള്‍ നീങ്ങുന്നതറിയില്ല. കേബിളും കമ്പ്യൂട്ടറും ഒന്നുമില്ലത്തതിനാല്‍ എല്ലാരും ഒരുമിച്ച് എന്തെങ്കിലും കളിയും മത്സരങ്ങളും മാത്രം. ഞായറാഴ്ചകളില്‍ ദൂരദര്‍ശനില്‍ വരുന്ന സിനിമ കാണാന്‍ കാത്തിരിക്കുമായിരുന്നു.

അന്നൊന്നും ബേക്കറി സാധനങ്ങള്‍ അങ്ങനെ വാങ്ങാന്‍ സമ്മതിക്കില്ല. പിന്നെ ആകെ ആശ്രയം നാടന്‍ സാധങ്ങള്‍ തന്നെ.അതായത് മാങ്ങ, ജാതിക്ക, പുളി, ഓലോലിക്ക(ഗ്ലോബിക്ക), ചാമ്പങ്ങ, ബ്ലാത്തിക്ക, കമ്പിളി നാരങ്ങ, നെല്ലിക്കാപ്പുളി.. തുടങ്ങിയവ. ഇതൊക്കെ പച്ചക്കും പഴുത്തിട്ടും കഴിക്കും പിന്നെ പല പല സംഭവങ്ങള്‍ ഇതുപയോഗിച്ച് ഉണ്ടാക്കും അതില്‍ പ്രധാനം ശ്ലോകം.
അതുണ്ടാക്കാന്‍ ഏറ്റവും നല്ലത് മൂവ്വാണ്ടന്‍ മാങ്ങ തന്നെ. പറമ്പില്‍ 3മൂവാണ്ടന്‍ നില്പുണ്ടെങ്കിലും നല്ലതും ധാരാളം ഊണ്ടാവുന്നതും ആറ്റിന്‍ കരയില്‍ ആറ്റിലേക്ക് ചാഞ്ഞ് നില്‍ക്കുന്ന മാവിലാണ്. അതിലെ മാങ്ങ മുഴുവന്‍ വെള്ളത്തിലേക്കാണ് വീഴുക. അക്കരയും അതുപോലെതന്നെ ഒന്നുണ്ട്. ഇതു രണ്ടുമാണ് ഞങ്ങളുടെ ആശ്രയം. രണ്ടാണെങ്കിലും എറിഞ്ഞിടണം, വെള്ളത്തിലേക്ക് തന്നെ വീഴും, പിന്നെ മുങ്ങിത്തപ്പൊ എടുക്കണം. അക്കരെയുള്ളതണേങ്കില്‍ അക്കരെ വരെ നീന്തി സാധനം ഒപ്പിച്ച് തിരിച്ചു നീന്തി ഇക്കരെ വരണം.നന്നായി വെളഞ്ഞ മാങ്ങയാണ് നല്ലത്( അതായത് പഴുത്തിട്ടും ഇല്ല എന്നാല്‍ പച്ചയും അല്ല എന്ന പരുവം).

എറിയുമ്പോള്‍ പല കാര്യങ്ങളും ശ്രദ്ധിക്കണം.എറിയുന്ന കല്ല് വള്ളത്തിലും, വള്ളക്കാരനിലും ബോട്ടിലും ഒന്നും കൊള്ളെരുത്. കൊണ്ടാല്‍ ഏതോ ഒരു ബ്ലോഗില്‍ വായിച്ചപോലെ “ശേഷം ചിന്ത്യം”.മാങ്ങ എറിഞ്ഞിടുമ്പോള്‍ ആവിശ്യത്തില്‍ കൂടുതല്‍ കരുതണം.കാരണം ഇതിനിടെ ക്ഷീണം തീര്‍ക്കാന്‍ അവിടെ വച്ചു തന്നെ പൊട്ടിച്ച് കുറെ തീര്‍ക്കും, പിന്നെ അരിയുമ്പോള്‍ പലരുടേയും വായിലേക്കാകും അരിഞ്ഞ കഷ്ണങ്ങള്‍ എത്തുക. മാങ്ങ റെഡിയായാല്‍ അടുത്ത പണി ബാക്കി സാധനങ്ങള്‍ എത്തിക്കുക എന്നതാണ്.ഉപ്പ്, മുളകുപൊടി, വെളിച്ചെണ്ണ, കറിവേപ്പില, ഉള്ളി എന്നിവ ആവിശ്യത്തിന്. അതെല്ലാം അടുക്കളയില്‍ നിന്നും അടിച്ചുമാറ്റി മീറ്റിഗ് സ്ഥലത്ത് കൊണ്ടുവരണം. ഓരോരുത്തരും വെള്ളം കുടിക്കാനാണെന്നും ഒക്കെ പറഞ്ഞ് അടുക്കളയില്‍ കയറും; വരുമ്പോള്‍ എന്തെങ്കിലും ഒന്ന് കൈയില്‍ കാണും. എല്ലാം റെഡിയായാല്‍ മാങ്ങയും ഉള്ളിയും അരിഞ്ഞ് ബാക്കി ചേരുവകല്‍ എല്ലാം കൂടി ചേര്‍ത്ത് ഇളക്കുക. മാങ്ങ ശ്ലോകം തയ്യാര്‍. അല്പം എരിവൊക്കെ കൂടുതല്‍ ചേര്‍ത്തോളുക.എങ്കില്‍ നന്നായിരിക്കും.

പിന്നെ എല്ലാരും എല കീറിക്കോണ്ടു വരും. അതില്‍ വീതിച്ച് ഞങ്ങള്
‍ കഴിക്കും. കുറച്ചു വര്‍ഷങ്ങളായി പഴയ പോലെ ജോറായി ഇതൊന്നും നടക്കുന്നില്ലെങ്കിലും ഇന്നും ഞങ്ങളുടെ ഒത്തുകൂടലില്‍ പ്രധാനം ശ്ലോഗന്‍ തന്നെ..ഒരു പിസ്സായും ബെര്‍ഗറും ഒന്നും ഇവന്റെ ഏഴയലത്തു വരില്ല. ഇതെഴുതുമ്പോള്‍ വായില്‍ ഒരു മഹാ സമുദ്രം തന്നെയുണ്ട്.

കുറിപ്പ്:
പിന്നെ ഇത് നല്ല ഒരു ആയുര്‍വേദ ഔഷധം കൂടിയാണ്. ധഹനക്കേടോ അങ്ങനെ വയറ്റിലുള്ള ഏതസുഖത്തിനും ഇത് വളരെ നല്ലതാണ്.കാരണം അതു കഴിച്ചുകഴിഞ്ഞു 2ഗ്ലാസ് പച്ചവെള്ളവും കൂടി കുടിക്കുക. പരമ സുഖം. വയറ്റിലുള്ള എല്ലാം അടുത്ത ഭക്ഷണം കഴിക്കുന്നതിനു മുന്‍പായി വെളിയില്‍ എത്തിയിരിക്കും. അങ്ങനെ വയറു ക്ലീന്‍.

ദയവായി ഇത് പരീക്ഷിക്കുന്നവര്‍ സ്വന്തം റിസ്കില്‍ പരീക്ഷിക്കുക. ഇതുമൂലം ഉണ്ടാകുന്ന പ്രശ്നങ്ങല്‍ക്ക് ഞാന്‍ ഉത്തരവാദി ആയിരിക്കുന്നതല്ല.


Author: അരുണ്‍ വിഷ്ണു
Oct 31
Digg
Stumbleupon
Technorati
Delicious

എന്റെ പുതിയ കമ്പ്യൂട്ടര്‍

ഞാന്‍ എന്റെ പഴയ കമ്പ്യൂട്ടര്‍(P3, 500MHz, 192MB SD RAM)മാറ്റി, പുതിയ ഒരെണ്ണം അസംബ്ലി ചെയ്തു. കോണ്‍ഫിഗറേഷന്‍ ഒന്നു നോക്കൂ..കൊഴപ്പമില്ലല്ലോ അല്ലേ!!!!

http://arunmvishnu.blogspot.com/2006/10/my-new-system.html


Author: അരുണ്‍ വിഷ്ണു
Oct 23
Digg
Stumbleupon
Technorati
Delicious

യാത്രാ വിവരണം-1

ഞങ്ങളുടെ ടൂറിനെക്കുറിച്ച് എഴുതും എന്നു പറഞ്ഞിരുന്നല്ലോ..ഇപ്പോഴാണ് സമയം ലഭിച്ചത്. കുറച്ചു കുറച്ചായി എഴുതാം.

ഞങ്ങള്‍ 37 കുട്ടികളും 3സ്റ്റാഫും ഉണ്ടായിരുന്നു. 26 മുതല്‍ 3ആം തീയതി വരെയായിരുന്നു ഞങ്ങളുടെ കറക്കം.

ദിവസം -1, 26-9-06


26 വൈകുന്നേരം കോളേജില്‍ നിന്നും യാത്ര തിരിച്ചു. ഞങ്ങള്‍ കുറച്ചുപേര്‍ തിരുവല്ലയില്‍ നിന്നുമാണ് കയറിയത്. 5 മണി ആയപ്പോഴേക്കും ബസ് തിരുവല്ലയില്‍ എത്തി. എല്ലാവരും കാത്തുനില്പുണ്ടായിരുന്നു. ലഗേജ് ഒക്കെ ഡിക്കിയിലാക്കി യാത്ര തുടങ്ങി. ചങ്ങനാശേരിയില്‍ നിന്നും ആലപ്പുഴയില്‍ നിന്നും 2പേര്‍ കയറാനുണ്ടായിരുന്നു. എല്ലാവരും നല്ല മൂഡിലാണ്. പാട്ടും ഡാന്‍സുമായി തകര്‍പ്പ് തുടങ്ങി. പൈസയുടെ കാര്യം ഞങ്ങള്‍ തന്നെ കൈകാര്യും ചെയ്യേണ്ടതിനാല്‍ കുറച്ചുനേരത്തേക്ക് ഒതുങ്ങി. എല്ലാരുടെ കൈയില്‍ നിന്നും കാശുവാങ്ങി. എണ്ണി നോക്കിയപ്പൊള്‍ കുറച്ചു രൂപേടെ കുറവുണ്ട്. എത്ര എണ്ണിയിട്ടും ശരിയാവുന്നില്ല. അവസാനം പ്രശ്നം കണ്ടുപിടിച്ചു. ഒരാള്‍ തന്നതിലെ പിശകായിരുന്നു. സമാധാനമായി.. ഇനി അടിച്ചുപൊളിക്കാമല്ലോ!!!!!!..
തകര്‍പ്പന്‍ ബസ്സ്. വങ്ങിയിട്ട് ഇത് രണ്ടാമത്തെ ഓട്ടമാണ്. ബസ്സ് A. Cആണ്…(A. C ഇടണം എന്നുണ്ടായിരുന്നു, പക്ഷേ കിലോമീറ്ററിന് 6രൂപാ കൂടുതല്‍ കൊടുക്കണം. A. Cയില്‍ ഇരുന്ന് മടുത്തു. ഇനി അല്പം നല്ല കാറ്റു കൊള്ളാം എന്ന് ഞങ്ങള്‍ തീരുമാനിച്ചു) , പിന്നെ DVD, ഉഗ്രന്‍ സൌണ്ട് സിസ്റ്റം, ഫുള്‍ ഐയര്‍ സസ്പെന്‍ഷന്‍……
ഗോവയിലേക്കായിരുന്നു ആദ്യ യാത്ര, മംഗലാപുരം വഴി. അപ്പോള്‍ Jog Fallsഉം കാണാം, ഗോവക്കു പോകുന്ന വഴിയാണത്.
9മണി ആയപ്പോഴേക്കും എറണാകുളം കഴിഞ്ഞു. വഴിയിലുള്ള ഒരു നല്ല ഹോട്ടലില്‍ കയറി അത്താഴം. വീണ്ടും ബസ്സില്‍. ഇന്ന് എങ്ങും താമസമില്ല, യാത്ര തന്നെ..


Author: അരുണ്‍ വിഷ്ണു